Nov yog ib qho Yeeb Yaj Kiab uas ua txog peb Hmoob txoj kev khwv noj khwv haus li txheej laus thaum ub. Nws yog ib lub neej uas peb yeej ib txwm coj los tau ntau caum xyoo lawm. Thiab yog ib lub neej uas peb yeej tseem niaj hnub coj li no rau yav ntuj qub qab. Yog ib yam uas qhia tau rau peb tias peb txoj kev noj nyob yav ntuj qub qab zoo li cas? Niaj hnub no peb txawm tau lub neej tshiab, nyob lub teb chaws vam meej lawm los peb yeej tseem nco ntsoov txog nws. Vim yog peb lub neej uas yuav nco mus ib txhis.

Hmong Freedom tau paub los ntawm blog.sina.com.cn lub website los tias Ayouduo thiab Renxiaolong uas yog peb kwv tij Hmoob suav lawv ob tus tub ntxhais uas muaj suav nrov npe ncha lug yuav muaj ib zaj yeeb yaj kiab zoo saib heev tawm rau lub xyoo 2009 no. Npaj siab lawm tias yuav tau saib thiab pom tsis ntev tom ntej no.

Yog koj tus kheej kiag xav coj zaj lus paub no tuaj qhia ntxiv rau peb Hmoob thoob qab ntuj hauv no koj tuaj yeem coj tuaj qhia peb tau. Hmong Freedom yuav zoo siab heev.

Ua tsaug.

more here!

Nraug Zaj Hmoob Wang Feihong, yog ib tug muaj suab nrov npe nyob rau suav teb niaj hnub tam sim no. Nws yog peb Hmoob ib leeg zoo Nraug Txuj. Muaj peev xwm ntau yam uas yuav suav tsis thoob. Txoj kev muaj peev xwm thiaj coj nws mus rau txoj kev npau suav tseg. Thaum kawg thiaj nce los txog rau theem no, uas tsawg leej thiaj li yuav los txog.

Wang Feihong, yog peb kwv tij Hmoob suav ib tug tub Nraug Seev, yug thiab loj hlob nyob rau saum Roob Yaj Sab. Lub neej thaum me txom nyem heev, leej txiv tau tso nws thiab nws niam tseg thaum yau lawm. Txoj kev khwv noj khwv haus yog ib qho nyuaj kawg rau yag thaum tseem yau. Tiam sis zoo qhov tias nws caj ces kwv tij puav leej yog neeg muaj Txuj, Nrig Tes Taw zoo heev tseg cia, ib txheej qhia dhau ib txheej. Yog li nws thiaj tau kawm txuj thaum me los txog rau tam sim no. Qhov no thiaj ua rau nws muaj peev xwm mus sib tw yuav peev txheej ua ntu zus los mus thiab yeej tau ua tus zus ib ntawm ntau ntau zaus dhau los.

Peng (Paris Lo) yog peb Hmoob ib tug tub hluas Hmoob uas muaj peev xwm. Hmong Freedom zoo siab tau ntsib Pheej nyob hauv online no, txawm yog tsis tau ntsib kiag tus neeg, tham thiab sib nug, Hmong Freedom pom tau tias Pheej yog ib tug tub Hmoob muaj peev xwm rhawv tau ib yam zoo rau cov yau tom qab tau kawm thiab muaj nuj nqis rau lawv.

"If your wondering what my background is? I’m (Hmong) I’m very passionate about what i do, weather it’s Singing, Dancing, or being expressive through other art forms. My main goal is to get a record deal somehow? so if you are reading this and feel I have something Great to offer,.. feel free to leave comments and feedback to my Videos, feel free to contact me,.. I expect something Life changing to come out of this, but until that day comes, i’ll be working hard to get where i want to be, together we exist, together we suffer, and forever we will recreate each other, Art and compassion is what i live by...

Homepage:  ParisLo.com
Youtube.com:  Youtube.com/ParisLoOfficialTV

Nkauj Ntsuab Paj Zaub Khab, tau mus ncig saib Suav teb.   yog ib yam uas zoo rau peb cov nyob rau teb chaws no tau nrog pom thiab kawm.  Txawm kuv tus kheej tsis tau mus txog rau Suav teb los yog pom cov duab li no lawm, nws ua rau kuv zoo ib yam li tau mus txog lawm thiab.  Kev mus zaum no Paj Zaub tseem tau mus txog rau peb kwv tij Hmoob Tuam Tshoj lawv teb chaws, qhov pom duab no yog mus rau hauv peb ib tug ntxhais Hmoob Suav uas muaj suab nrov npe nto lug lawv lub teb chaws.  Ntawv yog: Ayouduo lawv lub zos, mus nrog tsoom thawj noj mov, zaum tham, thiab yees duab ua ke.  Kuv tus kheej yeej npaj siab lawm yuav mus ncig kom txog peb cov kwv tij Hmoob lawv teb chaws ib yam.  Yog koj yog ib tug npaj siab lawm thiab, nws yuav zoo heev, vim peb mus yuav ua rau peb thiab lawv sib raug zoo dua 200 xyoo dhau los lawm.